7 fevriye 2025 sa a fè 39 lane depi ak yon kòlè fewòs, pèp ayisyen mete fen nan pliske 30 lane diktati Duvalier yo. Jodi a se kriz sou kriz, zizizni, chire pit, movèz gouvènans, enjistis, yon pil bidonvil melanje ak sipopilasyon san bliye yon Leta bidon ki plonje nan kòripsyon total kapital. Se vre diktati makout la kaba men 39 lane aprè, nou anba yon lòt fòm makout ki rele “gang”.
Prèske tout krèm peyi a fin mare pakèt yo pou yo ale lòtbò dlo, ti ma ki rete a, move politisyen ak biznismann apatrid fè yo bliye si yo se moun.
