Yon gwoup peyizan ki fè pati « Coopérative des Petits planteurs du Nord-est » depoze yon plent nan Pakè Fòlibète a kont ansyen chèf rebèl Guy Philippe. Daprè peyizan sa yo, Kòmandan Guy Philippe ak yon twoup li, nan mwa fevriye 2004, te dechèpiye magazen koperativ yo, apre sa yo te mete dife ladan l. Daprè plent lan, zak sa a te pase nan lokalite « Man Bwapen ».
Koperativ la ki gen kòm reprezantan Quesnel Pierre, Pierre Emase, Duverlis Arons, Roselle Clervil pou n site sa yo ase mande chèf Pakè Fòlibète a ki se mèt Eno Zephrin pou mete aksyon piblik an mouvman kont ansyen chèf rebèl 2004 yo.
