Brigad Pwoteksyon Minè (BPM) nan vil Ench ap fè fas ak yon gwo kantite dosye ki konsène timoun ak adolesan. Pou mwa jen, jiyè ak out 2026, Biwo Pwoteksyon Minè nan vil Ench anrejistre 12 ka vyòl jeneralize, 6 ka ki lakòz gwosès, ansanm ak 12 ka detounman minè pou rezon seksyèl. Sa fè yon total 30 ka yo rapòte nan 3 mwa. Chif sa yo montre nan ki nivo pwoteksyon timoun yo vilnerab nan depatman Sant.
Dapre enfòmasyon BPM Ench bay sou sitiyasyon an, kantite dosye yo montre nesesite pou ranfòse mekanis pwoteksyon timoun yo epi pou bay fanmi yo ak viktim yo pi bon akonpayman.
