Se avèk tit « Pouki w pa t konprann mwen « Rutshelle Guillaume te ouvri sware pèfomans li nan Obsession Night Club ayè 9 oktòb 2020 .
Plis pase 600 moun te fè deplasman pou vinn akeyi chantez rete la an nan leyogàn ki te fè anviwon inèdtan ap satisfè fanatik li yo. « Lè w vinn nan leyogàn, menm si w te vinn chante 2 mizik ou ap chante plis toujou » se kèk mo atis kite m kriye an te lanse bay piblik li an.
« Rutshelle te prezan depi byen bonè, menm si te gen kèk enpèfeksyon m kapab di sware an te yon siksè » dapre sa OB inisyatè aktivite an avwe Haiti News.
Pwovens lan ki bezwen aktivite sa yo tou , ekip OB an deja ap planifye , yon fason pou mennen yon lòt atis nan leyogàn pa twò lontan.
Angy Desravines
