Sòti 6 janvye 2023 pou rive jodi a, daprè dènye bilan CPB rann piblik ayè vandredi 22 desanm 2023 a, se 297 mil moun ki deja jwenn otorizasyon yo. Se plis pase 120 mil ayisyen ki apwouve, 112 mil deja ale Etazini, Kiba sou 62 mil apwouve, 60 mil rive deja, Nikaragwa 54 mil otorize, 47 mil vwayaje epi sou 81 mil benefisyè venezyelyen se 76 mil ki deja enstale Etazini.
Jis kounye a, pwogram Biden nan ap vanse san gwo difikilte malgre te gen plent kèk manm pati Repibliken an depoze kont sa. Antouka se Ayiti ki ranpòte lamayòl nan zafè benefisyè ak moun ki vwayaje.
