Tout ayisyen ki t ap viv an Repiblik Dominikèn sou tè prive ak tè Leta, kay prive ak kay Leta san otorizasyon p ap janm jwenn viza pou yo retounen Sen Domeng. Se prezidan dominiken an, Luiz Abinader ki siyen desizyon sa a jodi madi 15 novanm nan. Nan dekrè sila a, depi moun nan depòte poutèt youn nan koz sa yo, non l deja ale sou yon lis kote demand viza li p ap janm akòde pou ale lakay vwazen.
Seri depòtasyon k ap fèt nan peyi Dominikani gen plizyè aspè ladan l. Non sèlman gen ayisyen y ap depòte ki san papye men genyen tou k ap viv nan espas ki pa pou yo nan peyi sa a.
