Yon gwo dife ki deklare nan aswè lendi 31 dawout la nan Site Choune, nan zòn Lalue, Pòtoprens, lakòz gwo dega epi detwi prèske 30 kay. Plizyè fanmi ki te deja deplase akoz vyolans ame nan kapital la pèdi tout sa yo te genyen nan ensandi a. Daprè temwayaj kèk abitan, dife a ta pran aprè yo fin remèt kouran nan zòn nan. Yo fè konnen se yon fil kouran ki ta lakòz dife a. Sepandan, enfòmasyon sa a poko konfime ofisyèlman.
Fanmi ki viktim yo ap mande otorite yo ak òganizasyon imanitè yo pote asistans ba yo, sitou pou jwenn manje, lojman ak lòt bezwen esansyèl.
