Ansyen prezidan ak prizonye Luis Inacio Lula Da Silva ki se yon figi anblematik Lagoch nan peyi Brezil rive an tèt nan premye tou prezidansyèl yo jodi dimanch 2 oktòb 2022 a. Li fini an premyè pozisyon fas ak aktyèl prezidan Ladwat la Jair Bolsonaro a 48.4% vwa yo kont 43,60% pou Bolsenaro daprè sa Tribinal Siperyè Elektoral la (TSE) fè konnen. Depouyman yo fèt sou 97,69% biwo vòt yo.
Se vre selon sa sondaj yo te rapòte avan, Lula te devanse aktyèl prezidan an men sa pa anpeche gen anviwon 5 milyon vwa ki separe 2 advèsè yo. Y ap tann dimanch 30 oktòb pou dezyèm tou a pou konnen èske se Lula k ap retounen nan tèt peyi Brezil osinon se Bolsenaro.
