Melchie Daëlle Dumornay jwe premye match li sou koulè Olenpik Lyonè a jodi dimanch 10 septanm nan. Nan final chanpyona sa a medam Lyon yo t ap diskite ak PSG, nan 37e minit match la, Dumornay enskri premye gòl li aprè yon kout tèt. Dezyèm gòl la se Eugénie ki enskri l nan 65e minit, sa ki pèmèt ekip li a ranpòte 37e tit chanpyona fransè a, pou kategori feminen.
Premye match, premye titilarizasyon, premye gòl ak premye tit entènasyonal ayisyèn nan avèk Lyon. N ap fè remake gen anpil ayisyen ki deja abòne ak ekip Lyon sou rezo yo akoz Dumornay.
