Kèk jou aprè lanmò yon jenn fi, Evelyne Sincère, Biwo entegre Nasyonzini an Ayiti (BINUH) deklare sitiyasyon sekiritè a k ap degrade preyokipe l. Sou Twitè, òganis onizyen an fè konnen,  »BINUH preyokipe anpil sou sitiyasyon sekiritè a k ap degrade epi zak vyolans gang yo ap fè sou popilasyon an ».
Si otorite ayisyèn yo jwenn anpil kritik pou aksyon yo mennen kont ensekirite a, pa bò kote pa l Nasyonzini di l rete disponib pou soutni epi ede yo pwoteje popilasyon ayisyèn nan, ak mete anba kòd responsab zak ak krim sila yo.
Ayiti, se yon peyi nan Karayib la kote ensekirite ak zak vyolans yo monte byen wo. Depi mitan ane 2020 an, teritwa ayisyen an sibi divès ka kidnapin, vòl, vyòl ak asasina prèske chak jou, kote menm polisye pa epanye.
Pooshy Rosana
