Gen gwo kè kase nan moman an bò kote CSPJ nan sa ki gen pou wè ak renouvèlman manda jij k ap travay nan tout tribinal yo an Ayiti. Malgre CSPJ te bay avi favorab pou sèten jij, depi plis pase yon lane, Ariel Henry pa janm fè anyen pou fè swit ak sa. Si bagay la rete konsa, tout moun ki bezwen jistis nan peyi a p ap jwenn pi rèd paske malgre Asosiyasyon Pwofesyonèl Majistra yo ekri Ariel pou raple l sa, li pa reponn yo.
Gen anpil tribinal k ap fonksyone ak yon sèl grenn jij, genyen ki pa gen ditou. Gen anpil vil anndan peyi a tribinal depè yo pa gen jij ditou. Ariel Henry ak akolit li yo debalize peyi a nèt.
