Martine Moïse mete non ansyen senatè Antonio Chéramy, alyas Don Kato, nan mitan eleman li te soulve nan temwayaj li devan tribinal federal Miami an nan kad pwosè sou asasina ansyen prezidan Jovenel Moïse la. Pandan li t ap pale sou klima politik ki te egziste anvan asasina Jovenel Moïse la, Martine Moïse fè referans ak deklarasyon Don Kato te fè konsènan 18 novanm 2020. Dapre sa ki te rapòte nan dosye a, Don Kato te deklare lè sa a, 18 novanm nan t ap dènye 18 novanm Jovenel Moïse t ap pase kòm prezidan. Sofke, sa pa vle di Don Kato enplike dirèkteman nan asasina defen an.
Martine te egalman pale sou yon foto kote Don Kato parèt ansanm ak Christian Emmanuel Sanon, youn nan prensipal akize yo nan pwosè federal k ap dewoule nan Miami an.
