jij Al Duniel Dimanche mande Lapolis pou mare rapid mennen ba li, ansyen minis Wilson Laleau ak Marie Carmelle Jean Marie, ansyen premye minis Jacques Guy Lafontant, ansyen senatè Rony Célestin san bliye Daniel Christophe, Olivier Emmanuel, Nivar Pierre ak tout Martin Grégoire Gaspard. Se toujou nan kad dosye materyèl CNE yo ki disparèt la. Jij la lage manda rale mennen vini dèyè moun sa yo akoz yo pa vle vin devan l. Manda sa yo fèt ayè vandredi 12 janvye a.
Sèlman n ap raple gen plizyè majistra nan sistèm nan manda yo ap fini nan fen mwa sa a men pouvwa a sanble pa deside renouvle yo. Se sèlman Walther Wesser Voltaire Ariel kapab renouvle. Jij Al Duniel Dimanche kapab pa retounen daprè sa nou aprann.
