Nan yon deklarasyon prezidan domiken an Luis Abinader fè jodi dimanch 9 oktòb la, li fè konnen li p ap voye twoup li Ayiti poutèt rezon istorik. Luis Abinader ale pi lwen li di li pral achte avyon ak Elikoptè lagè pou ranfòse lame li a pito. Depi sòlda etranje yo pral vini Ayiti, fwontyè ap fèmen daprè deklarasyon prezidan domiken an.
Nan dènye jou sa yo, tansyon yo ap monte seryezman sou zile a e sanble se jou k ap konte pou kò etranje yo debake Ayiti. Prezidan domiken an mete fen ak tout kòmantè ki te fè kwè lame peyi vwazen ta kapab fè pati twoup etranjè yo.
