Komisè gouvènman jiridiksyon komin Gonayiv la, mèt Serard Gasius ak lapolis mennen yon operasyon nan lokalite Ti Davi nan komin “Gros Morne”, jounen mèkredi 18 novanm nan, ki mennen ak arestasyon Ronald Samonne alyas Bòkò ki se youn nan prezime bandi ki ta patisipe nan kidnape bis ki t’ap mennen yon gwoup pasaje nan vil Pòdpè semèn pase a.

Toujou nan menm dat 18 la, ki se jounen komemorasyon batay Vètyè a, lapolis nan komin Lestè rive fouke Octama Justin ki gen kòm akizasyon sou do li, moun k’ap planifye ak bandi pou pran pasaje l ap pote yo nan wout.

Bandi yo menm konn arive sezi moto li, pase l kèk bon kalòt epi aprè kèk jou, popilasyon an remake l sou menm moto a ankò.

Malgre anpil ensatisfaksyon kote popilasyon an, lapolis kontinye ap mete bouche doub pou eseye konbat ensekirite k’ap taye banda anndan peyi a.

Jeff Jean Joseph