3 zago loray sa yo te nan yon Mercedes, plak BB-10550 chaje ak minisyon daprè yon sous nan Lapolis la e se Gran Ravin yo t ap sòti avèk katouch sa yo pou pote Bèlè. Yon patwouy polisyè tonbe sou yo, ouvè kout bal avèk yo e 3 nan prezime malfèktè sa yo vale dlo bouch yo, aprè midi vandredi 19 janvye a. Daprè enfòmasyon Lapolis bay, chofè ki t ap kondwi machin nan gentan sove.
Tout gang yo ap resevwa zam ak minisyon pou ranfòse baz yo dènye jou sa yo. Se nan moman kote tansyon yo wo nan peyi a menm aksyon sa yo ap rive.
