Aprè ansyen senatè Youri Latortue fin boude envitasyon jij Louima Louidor te fè li a, jij la deside lage yon manda rale mennen vini dèyè l. Chèf akizasyon yo se konplisite asasina, konplisite ansyen senatè a nan dife ki yo te mete nan tribinal premye enstans Gonayiv la, asosiyasyon malfèktè pou n site sa yo ase. Genyen manda tou jij la lage dèyè chèf operasyon “National Security” a ki se Patrick Vladimir Bourdeau pou menm chèf akizasyon yo.
Raple n byen konpayi National Security se pou Youri Latortue li ye. Ansyen senatè a te deja ekri jij la pou mande l bay komisyon wogatwa ak yon jij enstriksyon nan kapital la pou tande l pito paske l p ap ka ale Gonayiv akoz ensekirite.
