Bandi ak zam ta kidnape 2 machin ak tout moun ladan yo e tante ale ak yon twazyèm aprè midi dimanch 2 oktòb la. Twazyèm machin lan se yon sèten Junior Burrenot ki te ladan l ak tout madanm li epi pitit li. Bandi yo tire sou yo men yo sòti ant lavi ak lanmò aprè Junior fin riposte, daprè sa kèk temwen ki te sou plas rapòte.
Vit machin M Burrenot a pèse ak bal. Sitiyasyon sa a kreye gwo tansyon nan zòn Laboul 12. Poko gen enfòmasyon ki sòti sou ki men ki ta kache dèyè anlèvman ak tantativ anlèvman sa yo.
