Gilbert Bigio, Reynold Deeb ak Sherif Abdallah se non 3 manm sektè prive Ayiti a gouvènman kanadyen an deside ajoute nan lis moun y ap sanksyone yo. Akizasyon yo se blanchiman lajan, finansman gang ak kòripsyon. Byen endividi sa yo genyen nan peyi Kanada pral sezi oubyen jele tou.
Lis la kontinye ap agrandi jan yo te anonse l la. Zafè dwòg, blanchiman lajan, kòkòday ak gang, vòl ak kòripsyon se kalte akizasyon sa yo Kanada ak Etazini lage sou do nèg ki nan sektè prive ak politik Ayiti. Kounye a ki kote moun sa yo ye? Kisa lajistis ap di kont yo? Poukisa y ap mache sou moun toujou? Yon dosye n ap suiv kouman l ap fini.
