Devan tout ajan sekirite Ariel Henry yo, anndan Primati nan Miso, jij Walther Wesser Voltaire deplase al tande premye minis Ariel Henry sou dosye asasina Jovenel Moïse la. Nou aprann jij la te kite biwo l e rive jwenn Ariel vè 10è nan maten jounen madi 26 desanm nan, li kite vè 5è nan laprè midi. Nan menm moman an, jij la tande Josué Pierre-Louis, Sekretè Jeneral Palè Nasyonal ak Michel Patrick Boisvert ki se minis Ekonomi ak Finans lan.
N ap raple, Ariel Henry gen non l site nan dosye asasina Jovenel Moïse la daprè DCPJ ki revele doktè a te pale ak Joseph Félix Badio jou 7 jiyè 2021 an aprè krim nan. Jij Walther Wesser Voltaire fè tout moun sezi.
