Yon lòt masak ankò nan Bon Repo koute lavi ak anviwon 11 konpatriyòt ayisyen nan komin Kwadèboukè jodi vandredi 21 Oktòb nan daprè sendikalis Mehu Changeux. Se nèg ak zam ki t ap flannen nan yon machin ki louvri kout zam sou yo epi retire lavi yo daprè kèk temwen ki te sou plas. Gen chofè moto ladan yo tou ak ti machann ladan yo.
Depi plizyè jou la a gang Vitelòm nan ap fè ravaj nan komin sa a. Anpil moun pèdi lavi yo nan afwontman ki genyen ant gang Vitelòm nan ak gang 400 mawozo. Jiskaprezan, Lapolis poko janm reyaji pou mete fen nan deriv sa yo ki lakoz anpil moun blije kite kay yo.
