Daprè deklarasyon Guy Philippe fè sou VOA kreyòl jounen samdi 10 fevriye a, se asasen sa yo ki kontribye nan lanmò 5 ajan BSAP yo: Patrick Dorminvil, chèf sekirite Ariel, komisè polis Vladimir Paraison, Kesner Normil, majistra Petyonvil avèk yon bòfrè l ki rele Ti Pouchon. Guy Philippe di konplo sa a te manniganse pou asasine l tou. Ansyen senatè eli a di malgre sa li p ap bay vag.
Daprè enfòmasyon k ap sikile, Kesner Normil te pwomèt pouvwa Ariel la li p ap kite dezòd fèt nan komin Petyonvil, se sa ki fè l te antre nan konplo a jis pou l kenbe djòb li nan Meri a.
