Malgre popilasyon an ap peye galon gaz la byen chè nan ponp yo, yo rekòmanse paka jwenn li jan sa dwe ye. Depi fen semèn pase a, anba anpil ponp se nan gwo tèt chaje pou yon chofè reyisi mete gaz nan machin osinon moto l. Pandan paran yo ap fòse rantre ti moun yo lekòl, fanm ak nèg k ap koupe rache isit deside pou pa fasilite fonksyonman transpò an komen an kòm sa dwa.
Aprè anviwon 3 mwa peyi a fè bloke pou yon zafè gaz ki twò chè, gouvènman an ranje kò l e l fè moun yo achte galon gazolin nan 570 goud, dizèl 625 goud e kewozèn 665 goud. Tout moun rete chita sou lorye yo malgre sa e men kounye a gentan gen ratman.
