Walder St Louis, youn nan moun ki akize nan dosye zam k ap debake nan peyi d Ayiti, bon zanmi Eliande Tunisse ki li menm deja kondane, fè gwo deklarasyon devan yon jij Federal nan Washington. Walder St Louis di gang 400 Mawozo a tèlman pwisan, gen senatè, VIP ak polisye ki manm li. Yon lòt bò, misye avwe li te konn voye zam pou gang lan yon fason pou yo ka enfliyanse eleksyon nan peyi a.
Pi lwen, akize a fè konnen se Eliande Tunisse ki te kontakte l pou l te kapab achte zam nan Eta Florid pou voye Ayiti, men se sitou pou gang 400 Mawozo a. Yon nouvèl antouka ki pa ta dwe etone pèsonn.
