Plizyè milyon goud dekese nan kès Leta a dènye jou sa yo. Ariel Henry ap jwe tout tivis pou montre li gen kontwòl tout bagay nan peyi a. Lajan ki dekese yo, se nan baz militan yo voye yo, se nan baz Lame a yo voye yo e se nan kèk Direksyon Jeneral pou kase mouvman lari a. Gen anpil lòt mezi abolotcho ki nan do Ariel yo kòmanse pran pou yo ka byen travèse 7 fevriye.
Revokasyon Jeanthel Joseph, nouvo komisyon ki nan tèt ANAP la, kèk nominasyon k ap fèt nan vil pwovens yo, se toujou estrateji pouvwa a. Tout kote ki gen 10 moun k ap frape men, Lapolis debake pou kraze sa.
