Daprè yon done Enstiti Ayisyen pou Estatistik ak Enfòmatik mete deyò, pou lane 2023 ki sot fini la a, dyaspora ayisyen an kontribye a 3.8 milya dola nan ekonomi peyi d Ayiti a. Malgre li konnen yon rabesman 1.2% pa rapò ak 2022, men se yon gwo kout pous pou fanmi ayisyèn yo ki depann depi lontan de lajan k ap sòti nan divès kwen nan mond lan pou antre nan peyi a.
Ekonomi peyi d Ayiti a depann nètman de letranje sitou nan ki gen pou wè ak transfè. N ap raple jouk kounye a, Leta kontinye ranmase 1 dola 50 sou chak transfè ki fèt yo.
