P-DG konpayi telefonik Digicel la, Maarten Boute fè konnen dispozisyon Konpayi Nasyonal Telekominikasyon (CONATEL) pran pou mande idantifye kat SIM yo pa p pote okenn solisyon ak ka kidnapin yo nan peyi Dayiti.
”Moun yo panse lè yo idantifye kat SIM yo sou tout teritwa, sa pra l kanpe zak kriminèl k ap fèt pa telefòn yo”, daprè Maarten Boute.
Sou Majik 9, patwon Digicel la fè konnen, ”malerezman, nan eksperyans li fè, se pa leka. Kèk fwa ravisè yo itilize telefòn viktim yo pou fè apèl”.
Toutfwa antreprenè a konfime konpayi DIGICEL dakò a 100% pou idantifikasyon kat SIM yo.
N ap raple, kat SIM itilizatè yo sou kontwol operatè telefonik yo aprè nouvo règ CONATEL mete sou pye epi aplike nan dat 3 novanm 2020 an.
Pou yon moun achte yon kat SIM l ap idantifye tèt li gras avèk yon aplikasyon k ap kolekte done Kat idantifikasyon nasyonal inik la (CINU), lè aplikasyon an fin verifye l achtè a ap jwenn kat SIM nan, daprè Léon Jean Marie Guillaume, direktè CONATEL la.
Pooshy Rosana
