Daprè yon sous nan lajistis ki kase ti moso enfòmasyon bay medya Juno7, li konfime transfè ansyen depite Enri an nan penitansye nasyonal. Cholzer Chancy ki te pase premye nwit li nan komisarya Petyonvil la, desann Penitansye vè 10è 30 maten madi 23 janvye 2024 la. Daprè enfòmasyon jij la gen nan men l, ansyen depite a te gen moun pa l ki t ap ede l gaspiye byen CNE yo.
N ap raple se paske jij la te vin dekouvri Cholzer Chancy te ba l manti premye fwa li te tande li a, ki fè li deside mete l nan prizon.
