John Joël Joseph, ansyen senatè Lwès, 52 lane, akize nan asasina defen prezidan Jovenel Moïse pral pase rès lavi l dèyè kat miray. Li te rekonèt kilpabilite l nan asasina defen prezidan Jovenel Moïse, krim li te patisipe ladan l paske l te gen pwomès djòb premye minis sou tèt li. Se jij Federal nan Miami ki kondane misye pou l pran prizon avi. “Majistra gen pitye pou mwen”, se youn nan deklarasyon JJJ pandan l mande fanmi Jovenel padon ak tout pèp ayisyen an devan Tribinal la.
John Joël Joseph te jwenn arestayon l jou ki 15 janvye 2022 a, nan peyi Jamayik kote l t al kache ak fanmi l. Daprè ansyen senatè a, lè mèsenè yo te jwenn lòd pou asasine prezidan an, yo pat ka fè bak paske yo te ka mouri aprè yo menm.
