Okenn ajan BSAP pou kèlkeswa rezon an pa otorize sikile ak inifòm epi zam sou yo nan pyès vil nan peyi a. Desizyon sa a pran jounen lendi 29 janvye 2024 la lè Ariel Henry deside antre nan dosye BSAP la ak tout vitès atravè yon nòt Ministè Kominikasyon mete deyò. Gouvènman an mande tout ajan sa yo rete nan pòs kote yo afekte yo. Mezi sa a, daprè gouvènman defakto a, se pou gen kontwòl sekirite a nan peyi a epi pou retabli lapè.
Dezisyon sa a kapab pase nan yon lòt faz kote yo ka mande retire zam nan men ajan BSAP yo. Kisa ki ka pase si ajan sa yo kontinye sikile nan tout lari ak inifòm? Èske gouvènman an ap mete Lame osinon Lapolis anfas BSAP?
