Ariel Henry p ap jwe. Nan yon arete gouvènman l ap dirije a pran ayè lendi 22 janvye a e ki deja pibliye nan jounal “Le Moniteur”, li mete Jeanthel Joseph, Direktè Jeneral “_Agence National des Aires Protégées”_ (ANAP) nan kanpe lwen. Se yon komisyon ki gen nan tèt li Frantz Daniel Pierre kòm kòdonatè jeneral, Prénor Coudo, manm, Jean Lyonel Trécil, manm, lyetnan Verby B. Jean ki nan lame d Ayiti epi Jean Nesly ki se manm tou ki fè pati komisyon sa a.
N ap raple ANAP se li menm ki kwafe BSAP e se Jeanthel Joseph ki te Direktè Jeneral pou yo nan tout peyi a. Mezi sa a vini aprè kèk sòti Jeanthel Joseph te fè nan laprès kont gouvènman Ariel Henry a.
