Plizyè sitwayen k ap swiv koze eleksyon yo de prè nan peyi a vrèman pesimis. Si KEP a ak gouvènman an anonse premye tou eleksyon yo pou desanm 2026, moun yo di yo pa wè kouman sa posib. Wout nasyonal yo ki toujou bloke, pil komin ki enpratikab paske yo se tèritwa pèdi, kriminèl ak gwo zam k ap fè lalwa, se kèk nan ka ki preyokipe pèp ayisyen an nan moman an ki kwè chans pou eleksyon yo pa òganize yo vin pi plis chak jou.
Jouk jounen jodi a, ni gouvènman defakto a ni Wo Grade PNH la poko bay detay sou dispozitif sekirite ki an plas pou eleksyon yo.
