Depi kèk tan tòchon an pa sispann boule ant sektè demokratik popilè a ak Jean-Charles Moïse. Maten an sou radyo Karayib, pòt pawòl sektè a fè konnen ansyen senatè Nò a, Jean-Charles Moïse fè alyans ak G9 ak pouvwa an plas la. Se tèt opozisyon bouda pouvwa li ye.
“M poko janm dòmi kay dilè dwòg. M’ poko janm pran kòb nan men Premye minis pou m’ jete prezidan, aprè pou m’ rele prezidan an pou m’ di mwen gen kòb nan men m’ pou m’ jete l. Mwen pa gen dosye kriminèl« , se deklarasyon Mèt André Michel.
Mèt Michel ale pi lwen pou li di: « Jou yon moun oze pale sektè demokratik la mal, l’ap di tout sa li konnen« . Opozisyon divize, dechire, chyen manje chyen, nan enterè kiyès?
Jeff Jean Joseph
