Aprè komite etik federasyon entènasyon foutbòl asosyasyon (FIFA) fin radye avi prezidan federasyon ayisyèn foutbòl la, Dr Yves Jean-Bart, biwo konsèy FIFA a anonse lòt desizyon. Jodi vandredi 11 desanm nan, yo deside mete yon komite pouki jere FHF la pandan yon lane.
Komite sa ap gen pou misyon jere dosye kouran yo, pou tann rezilta ankèt etik sou plizyè wo grade nan FHF la. Desizyon sa se pou kapab ekate ankò pi plis Dr Yves Jean-Bart de federasyon an, paske l ta toujou genyen gwo enfliyans nan desizyon k ap pran yo. Chwa sa fèt an akò ak atik 8 alineya 2 stati FIFA.
Manm komite sa yo, se FiFa ak Concacaf k ap chwazi yo.
Yo ap gen yon manda yon lanne k ap fini 30 novanm 2022. Pèsonn nan yo pap kapab prezante kòm kandida nan eleksyon k ap gen pou fèt nan Federasyon an.
Jeff Jean Joseph
