Premye minis Joseph Jouthe ki t ap patisipe nan jounal premye okazyon maten an, fè konnen gouvènman an ap fè eleksyon avèk ou san akò ak pati politik yo nan lane 2021.
“Eleksyon yo dwe fèt, avèk ou san yon akò politik”, deklarasyon Joseph Jouthe mèkredi 2 desanm 2020 an nan yon intèvyou li te akòde radyo Karayib.
Joseph Jouthe inyore tout pwoblèm peyi an ap fè fas ki kapab anpeche eleksyon yo fèt nan bon kondisyon. « Nan peyi Afrik gen eleksyon, Syrie gen eleksyon, malgre gen gè », se konsa lokatè Primati a te rapousib, epi mande poukisa aktè yo paka jwenn yon antant pou fasilite òganizasyon eleksyon yo, pou kapab renouvle pèsonèl politik la.
Joseph Jouthe envite aktè yo chita ansanm pou jwenn yon tèren antant avèk kriz politik k ap sakaje peyi a.
N ap raple opozisyon an kanpe tèt rèd sou pozisyon l. Yo fè konnen 7 fevrye 2021 fòk Jovenel bay talon l nan palè nasyonal la.
Jeff Jean Joseph
