Anbasad Bèljik nonmen Maarten Boute, ki gen nasyonalite bèlj ak ayisyen, kòm konseye diplomasi ekonomik pou Bèljik nan peyi Dayiti.
Direktè jeneral konpayi telefoni mobil la genyen yon nouvo tit nan CV li ak fonksyon sila. Anbasadris Wayom Bèljik la, Jehanne Roccas (ki rezide kiba) te prezide seremoni ofisyèl la nan Konsila Bèljik ki nan Pòtoprens, nan prezans konsil onorè Bèljik la, Joël Dresse, plizyè diplomat etranje pami yo Almay epi Lafrans ak lòt envite.
Maarten Bout eksprime satisfaksyon l epi remèsye Bèljik ki chwazi l kòm konseye diplomasi ekonomik nan peyi Dayiti. Li pwomèt l ap travay pou ranfòse relasyon komèsyal ant Bèljik ak Ayiti.
Pooshy Rosana
