Alòske okenn revelasyon poko fèt alantou 46è prezidan ameriken an, sèvis pwoteksyon Lèzetazini yo ak wo responsab gouvènmantal yo pral ogmante nonb ajan pou sekirize Joe Biden yo.
Toujou gen tip pwoteksyon sa yo pou kandida ki nan kous pou Mezon Blanch lan byen ke se pa nan nivo pwoteksyon prezidan ameriken yo. Men si Joe Biden ranpòte viktwa epi vin prezidan Lèzetazini, l’ap nan menm nivo a jiska envestiti li 20 janvye pwochen.
Daprè Washington post, sèvis sekrè yo pral ranfòse pèsonèl yo nan Wilmington ak Delaware, aprè ekip kanpay Biden nan te deklare y’ap rete nan Wilmington Convention Center, vil kote kandida demokrat la ap viv, san konte li gen pou pwononse yon gwo diskou jodi vandredi a.
Pooshy Rosana
