Asosyasyon nasyonal grefye ayisyen yo (ANAGH) anonse y’ap obsève yon trèv nan kad grèv manch long yo te lanse depi 28 jiyè pase a.
Trèv sa a k’ap kòmanse nan semèn nan ap dire yon mwa, se konfimasyon prezidan asosyasyon an, Martin Ainé.
«Pou moman an, konsèy ANAGH la ap diskite nan lide pou l analize byen fonde trèv la», se sa li ajoute.
Depi plis pase 3 mwa, grefye yo kanpe travay pou egzije bon kondisyon travay.
Rekonesans estati grefye yo, ogmantasyon salè yo ak kat debi se kèk pami kondisyon yo egzije.
Wilner Jean
