Se vre Lame d Ayiti pa otorize ede popilasyon an jwenn ti moso lapè men gen anpil ofisyèl nan gouvènman an ki anba pwoteksyon FAd’H la. Se ka pou premye minis Ariel Henry ki gen 90 sòlda ki detache avèk li, daprè Métronome, chèf kabinè Ariel la gen 7 sòlda nan do l. Plizyè manm gouvènman an prefere se sòlda ki ba yo sekirite e pou moman sa a, toujou daprè menm medya sa a, se pliske 500 sòlda ki an detachman nan peyi a.
Se pa san rezon Ariel Henry te fè plizyè vwayaj nan fyèf lame a nan mwa janvye a. San dout li chache pran kontwòl militè yo yon fason pou gouvènman l lan ka rasire. Ariel Henry ap kontinye ranfòse diktati li a.
