Tout moun kapab wè kèk imaj sou rezo yo kote plizyè kadav lonje atè e moun ap eseye leve yo. Se egzateman nan Pènye. Fanm, granmoun, ti fi se kategori moun sa yo ki tonbe anba bal mesye 400 mawozo yo madi 30 janvye 2024 la. Anplis de 15 moun anviwon, selon temwanyaj moun zòn nan ki mouri, gen anpil lòt ki blese san konte plizyè milye lòt ki pati kite kay yo, anpil ak bebe nan men yo.
“Nou paka pale de lòt bagay, se yon masak ki fèt Pènye”, se konsa yon sitwayen t ap pale ak laprès. Bandi yo dechèpiye majorite kay ki nan Pènye tou, daprè viktim yo.
