Depi byen bonè maten madi 30 janvye a, gen yon gwo batay ki deklare ant gang 400 mawozo a ak gang Kraze Baryè Vitelòm ap dirije a. Nan zòn Tòsèl, anpil kay ap boule, kout zam ap chante tou kole ak Akademi Polis la. Popilasyon sivil la ki pa konn ki sen pou l rele blije lage nan kouri ap rele mande sekou. Gen anpil viktim ki deja anrejistre nan moman atak sa yo.
Gen anpil enfòmasyon ki fè kwè gang Vitelòm nan an fayit dènye jou sa yo. Se sa ki lakoz bandi Lanmò 100 jou yo anvayi yo e se popilasyon an k ap peye po kase a.
