« Ariel Henry, konsèy mwen pou ou: lage pye w tande frè m. Si m te ou menm mwen te lage pye m paske se pa anyen w ap fè nan peyi a. Ou bezwen plis moun mouri? Ou bezwen gen yon beny san nan peyi a? Ou pa fè anyen nan sa w te gen pou fè yo, lage pye w tanpri frè m », se konsa Dieudonné Larose, youn nan pi gwo chantè peyi d Ayiti genyen pale ak wa Henry nan yon videyo ki dire anviwon yon minit.
Pastè Malory te bay Ariel Henry ak Frantz Elbé menm konsèy sa a nan yon mesaj, Wyclef Jean te pale ak towo a tou. Tout mesaj sa yo se mande y ap mande Ariel evite peyi a de yon beny san.
