Depi byen bonè maten samdi 20 janvye a, Lapolis kanpe anfas bandi yo nan Maryani, pa twò lwen komin Kafou. Kout bal fè mikalaw e kèlkeswa distans ou ta ye nan komin sa a, w ap tande son katouch yo kote Lapolis kontinye mennen operasyon fas ak bandi yo. Jiskaprezan, gen gwo kè kase nan antre Sid kapital peyi a kote depi mwa novanm 2023, Bout Ba ak alye li yo ap fè tantativ pou mete yon lòt pòs peyaj nan Maryani.
Deja gen plizyè viktim ki fèt nan echanj kout zam sa yo e gen inosan ki resevwa bal mawon. Depi nan mitan semèn nan, wo grade PNH la te anonse yo ranfòse prezans yo nan zòn sa yo.
