Jedi maten 18 janvye 2024 sa a, moun Nazon, Solino, Avni Poupla, Kafou Ayewopò, Dèlma 24, 19 ak 18 san konte divès lòt zòn ki antoure limite sa yo ap konnen yon move moman. Depi 3 zè nan maten se kout zam k ap chante san rete. Nèg Bèlè yo ki gen Kempès nan tèt yo pa deside kite moun Solino anpè e dosye sa a vin plis agrave depi aprè reyinyon ki te fèt lendi 15 janvye a nan Bèlè.
Tout machin ki te chaje Dèlma 33 maten an pou al pase Nazon blije fè wout kwochi. Ayè mèkredi a, nou aprann gen moun Dèlma 30 ki pran yon bal pèdi pandan l kanpe sou do lakay li.
