Chèf Pakè Pòtoprens lan, mèt Edler Guillaume envite jounalis Henry Guerrier demen madi 16 janvye 2024 la pou l vin reponn kesyon. Rezon an se paske prezantatè emisyon “Boukante Lapawòl” la anonse pral gen yon evènman k ap pase nan peyi a mèkredi 17 janvye k ap vini la a. Vrè motif envitasyon sa a se paske Pakè a kwè jounalis la ap fè pwomosyon pou vyolans nan peyi a.
Ant entimidasyon ak travay lalwa ba li lòd pou l fè, nou poko konn ki kote chèf Pakè a sitiye l. Antouka demen madi a, Henry Guerrier ta dwe fè yon rive wè kouman komisè a ye sou Boudon an.
