Sispann peye taks, fèmen tout biwo Leta sof pa Lapolis ak Lopital yo, anvayi lokal Primati kote Ariel Henry ye a se kèk nan bagay ansyen chèf rebèl 2004 la mande tout pèp ayisyen pou yo fè apati jounen lendi 15 janvye a, yon mannyè pou yo egzije Ariel kite pouvwa a. Se nan yon mesaj li anrejistre ayè dimanch 14 janvye a li fè deklarasyon sa yo. Èske ap gen revolisyon tout bon vre? Antouka tout moun ap tann.
Ansyen senatè eli depatman Grandans lan te pwofite denonse ajan enterimè komin Leyogàn nan ki te entèdi l antre nan vil la nan jou pase yo.
