Polis Nasyonal d Ayiti anonse yo arete jounen vandredi 13 janvye a Alphonse Daniel alyas “Bredjenn”, 24 lane e ki abite Fò Nasyonal, misye konn transpòte minisyon sot Bèlè al Gran Ravin. Jeff Louisius, 28 lane nèg Riyèl Estime ki konn jwe wòl antèn nan ri lama pou gang Bèlè a epi gen Jameson Jean-Philippe alyas kokobe 33 lane ki abite Dèlma 18 e li se konn jwe wòl antèn pou gang Bèlè a tou.
Anplis de sa, si n kwè enfòmasyon fòs lòd yo bay, tout mesye sa yo konn patisipe nan anpil lòt aktivite gang sa yo ap mennen. Pou kounye a, yo gade avi annatandan rès travay lajistis yo.
