“International Crisis Group” ki tabli katye jenerel li nan peyi Bèljik, yo pa kache kè sote yo genyen sou rapò ki genyen ant chèf gang yo ak kèk wo grade nan PNH la nan peyi d Ayiti. Selon enstans sa a, gen kèk gwo zotobre nan PNH la ki te bloke yon operasyon ki ta pral debouche sou arestayon yon gwo chèf gang nan peyi d Ayiti. Se nan yon rapò 24 paj ekspè sa yo ekri yo pataje enfòmasyon sa a.
Pou revelasyon sa a rive fèt, gen youn nan ekspè yo ki te pase yon mwa nan peyi d Ayiti nan fen ane 2023 a, e se anndan kò polis la menm li jwenn enfòmasyon yo.
