Nan diskou pou make 220e anivèsè endepandans peyi d Ayiti, premye minis la voye yon mesaj klè bay tout moun ki di akò 21 desanm nan ap bout 7 fevriye e k ap mande pou l ale yo. “M ap raple pou tout aktè ki sou tèren an jodi a ke kawo sa a p ap mennen pyès lòt moun nan tèt peyi a e nou wè sa tou”, pawòl Ariel jounen lendi 1e janvye 2024 la, nan jaden MUPANAH sou Channmas la. Ariel Henry di an gwo pa gen pè pap k ap fè l kite peyi a 7 fevriye k ap vini la a.
Lokatè Primati a ki pati pou 3 lane nan tèt peyi a mande tout aktè yo pou kreye yon klima lapè pou relanse ekonomi nasyonal la epi pou gen eleksyon ki òganize, sèl fason daprè li pou gen yon nouvo chèf nan tèt peyi a.
