Jounen samdi 23 desanm nan, Lapolis mare kou krab pastè Dominique Phanord aprè yo fin dekouvri anpil zam ak minisyon anndan lakay li, daprè enfòmasyon yo. Jile tout kalte, zam fann fwa, plizyè chajè, bòt, san konte katouch, se ansanm bagay fòs lòd yo jwenn kay pastè a. Pastè Dominique Phanord se dirijan legliz “Sainteté” nan lokalite “Anba Bouk” komin Gran Rivyèdinò.
Poko gen twòp enfòmasyon ki pataje sou ki kote e kisa swadizan pastè a ta pral fè ak lo materyèl sa yo. Sikilasyon zam yo kontinye fèt malgre tou anndan peyi a.
